view .conllu


vat Vat.Slav.2
source

1: pověsti o izvěstovannyix veštei eže o kralexъ pričę i o roždenix i prěbyvanix
2: běše vъ prъvoe vremę edinъ kral iže sę zověše imenemъ prišedъ kralъ
3: i běše zělo bogatъ
4: i poide vъ někoi dnъ lovъ loviti
5: poneže drago mu běše loviti
6: i doide na morskyǫ otoky
7: i obrěte edinъ ot otokъ lěpъ i krasenъ velmi ou koego otoka ot edinǫ strany tečaše velikoe more
8: a ot drougyǫ strany tečaše rěka koa sę imenovaše kašantouša rěka
9: a ot tretię strany tečaše togo otoka more koe sę zověše pelešino more
10: a ot četvrъtyǫ strany togo otoka stoaše lǫgъ eže sę zověše doudoma lǫgъ
11: a ot pętyę strany togo otoka stoaše žindolъ na koemъ rastěxǫ cvěti mnogo različnii
12: i vidě to prišedъ kralъ jako dobro estъ
13: i načę zizdati grad
14: i sъzizda gradъ do starosti svoeę
15: i nareče imę gradou tomou svoimъ imenemъ da mu e imę prižia gradъ
16: po tomъ priidešъ kral ostarě
17: i rodi sna svoego imenemъ oiluša kralě
18: i porǫči emou zizdati gradъ
19: a samъ poči ot sъmrъti svoeę
20: i koi kralъ oiluša sъtvori sylnoe dělo
21: vęšte prizizda oca svoego po sъmrъti ego
22: i što paky sъzizda oiluša kralъ to imenova svoimъ imenemъ da mou bǫdetъ imę ilionъ gradъ
23: i po tomъ Oilušъ kralъ rodi sna svoego lameodona kralě velikago
24: i porǫči emou zizdati grady
25: a samъ poči ot sъmrъti svoeę
26: i lamedonъ kralъ velikyi i toi imenova na svoe imę grady svoǫ lamedonia gradъ
27: i po semъ lamedonъ kralъ velikyi ostarě
28: i rodi sna svoego imenemъ šarikouša kralъ
29: i zapověda emou zizdati grady
30: a samъ poči ot sъmrъti svoeę
31: po tomъ šarikouša kralъ sъtvori silno dělo
32: vęšte prizizda po sъmrъti oca svoego
33: i što bě zizdalъ svoimъ imenemъ da mou e imę šarikoušia grad
34: i po tomъ šarikoušia kralъ rodi sna dardanuša kralě
35: i rče emou ziždati gradъ
36: a samъ poči ot sъmrъti svoeę
37: i dardanouša kralъ sъtvori veliko dělo
38: vęšte prizizda po sъmrъti baštině si
39: i narče na svoe imę dardania grad
40: i po tomъ dardanuša kralъ rodi sna troiloušǫ kralě
41: i rče emu sъzizdati grad
42: a samъ poči ot sъmrtъi svoeę
43: i po tomъ troilouša kralъ sъtvori veliko dělo
44: vęšte prizizda ot oca svoego
45: i nareče troja gradъ
46: troiloušъ že kralъ rodi prějamouša kralě
47: i prějamušъ kralъ iměše ženǫ imenemъ jakoupa gžda
48: i vъ edinǫ noštъ vidě sъnъ jakoupa gžda
49: i oužase sę
50: i vъsta ot sъna svoego
51: i projavi sъnъ mǫžou svoemu prějamoušou kralju
52: i rče emu
53: rodixъ glavnę
54: i vъzyde na nbo
55: i paky vъzvrativ sę pade vъ more
56: i izletěšǫ iz morě iskry
57: i padošǫ na troi
58: i pogorě troja grad
59: i slyšavъ to prějamouša kralъ i myslěše što xoštetъ se byti
60: i prizva vъsę prroky i vlъxvy mǫdrъcę i bolěry i nižnęę ljud maly i veliky troady grada da rekǫtъ emou o sъně
61: i rekošǫ emou proroci ego sie
62: gdne kralju rodit sę ot ženy tvoeę snъ za koego xoštet izgorěti troa gradъ
63: i razoritъ sę
64: i ne ostanetъ kamenъ na kameni
65: slyšavъ to prějamouša kralъ i ide vъ polatǫ
66: i rče ženě svoei
67: o jakoupo gžde egda rodiši sna ne xrani ego
68: nǫ poveli da oubiǫtъ ego
69: i rče emou jakoupa gžda
70: gdne kralju velmi rada esmъ semou byti
71: i po tomъ egda rodi jakoupa gžda sna svoego i vidě ego lěpa i krasna velmi
72: i sъmili sę mtri svoei
73: i ne može ego pogubitъ
74: nǫ povi ego vъ bračini
75: i s nimъ mnogo dobytka srebra i zlata
76: i das ego edinomou junoši
77: i reče emou nesti i povrěšti ego daleče ot troǫ grada
78: i stvori otrokъ tako
79: i obrěte ego ovčarъ starъ emouže bě žena rodila sna
80: i nese ego pastyrъ ženě svoei
81: i rče ei
82: vъsxrani mi otroka sego
83: i bys tako
84: i rastěše tako skoro velmi
85: i egda sъtvori *z* lět togda iděxǫ otročęti obě na pole sъ ocemъ svoimъ
86: i igraaxǫ okolo dobytka
87: i obrětenago otroka narče parižъ pastyrevičištъ
88: parižъ svaždaaše dva voly
89: i boděxǫ sę
90: i koi prěmagaaše tomou viaše věnecъ ot cvětia
91: a koi ne prěmagaaše tomou viaše ot slamy
92: i polagaaše imъ na rogou
93: i egda běše junoša pariž xoždaaše sъ dobrymi vitezy
94: i igraaše
95: i prěmagaaše ix vъ sěkoi igrě
96: i tou probode edinogo vitza za štitъ prěd kralemъ apridežemъ
97: i v to vrěmę ženěše sę felešъ kralъ gždǫ im tišomъ
98: i prizva kъ sebě felešъ kralъ gde čjuaše dobryǫ vitezy i junaky i pariža pastyrevičišta i dobryǫ gždǫ po xorě toi
99: i uvěděvše to tri vily proročicǫ koǫ běxǫ nai lěpěšǫę vъ morskyixъ otocěxъ i doidošǫ na ono veselie
100: razvě edinǫ gždǫ ne zva
101: zane běše svadliva
102: imenemъ dievošъkoridia
103: gde iděše vse svadǫ stroaše
104: zato ne xotěxǫ ę zvati da mou ne bǫdetъ svady meždou svatovy i bolěry na veseli ixъ
105: i ona gžda myšlěaše na srdci svoemъ koǫ bi mogla svadǫ vъnesti tamo za onozi nezvanie
106: i iskova zlatǫ ablъkǫ
107: i napisa na nei knižna pisma
108: i ona slova glaxǫ
109: koja estъ ot vasъ triexъ gždъ i prročicъ po lěpšaa toi bǫdi prročici sia zlataa č̶a̶š̶a̶ ablъka
110: i dade ę otrokou svoemou
111: i reče emou
112: idi
113: i vъvrъzi ę vъ ovoštnici feleša kralě
114: i vъzeměxǫ oubrousy ot stola
115: i iděxǫ dobrii vitezie
116: igraaxǫ na farižoxъ
117: a dobryǫ gždǫ gręděxǫ vъ ovoštnikъ pelefa kralě
118: i gręděxǫ naprěždъ tri vily i prročcę
119: i obrětošǫ onǫ zlatǫę ablъkǫ
120: i pročъtošǫ na nei ona slovesa iže glaxǫ
121: koa estъ nai lěpa ot vasъ trix sestrěnicъ toi bǫdi sia zlataa ablъka
122: i raskarašǫ sę onoę radi ablъky
123: i pozvaxǫ sę vъ troǫ prědъ teboxa boga i prědъ ipitera prroka
124: i stašǫ prěd nima
125: i vъprosišǫ ixъ
126: i rekošǫ
127: koa estъ ot nas nai lěpa toi daite siǫ ablъkǫ
128: i reče imъ teboxъ bogъ i ipiterъ prrokъ
129: gždę ne možemъ vamъ o semъ sǫditъ
130: nǫ poiděte tamo na opętъ prěd pariža pastyrevičišta
131: tamo sę e obrělo
132: i tamo da sę i rasǫditъ
133: i vъzvratišǫ sę ot troę
134: i doidošǫ prědъ pariža pastyrevičišta
135: i rekošǫ emou
136: gdne obrětoxmy siǫ zlatǫę ablъkǫ vъ ovoštnici peleša kralě
137: i pročъtoxmy na nei knižniix slovesъ
138: i siko skazouetъ
139: koa estъ ot vas lěpšaa toi bǫdi sia zlataa ablъka
140: da pověždъ nam koja estъ ot nas nai lěpšaa
141: toi prročci daždъ siǫ ablъkǫ zlatǫę
142: i rče imъ parižъ pastyrevičištъ
143: poiděte gždę
144: i sъvlěcěte sę
145: zane běše na nix biserie i zlato i dragoe kamenie i svilna rouxa
146: i poidošǫ vъ ovoštnikъ peleša kralě
147: i sъvlěkše sę pridošǫ v rizax prěd nego
148: i načętъ junaa govoriti parižou
149: prisǫdi mně siǫ zlatǫę ablъkǫ
150: i pověždъ mene nai lěpšǫ
151: i oblastna esmъ bogatъstvomъ
152: da ne bǫdet člkъ po bogatъ ot tebe
153: i paky vtora velěše gžda eiže imę palešъ
154: rče parižou
155: prisǫdi mně siǫ zlatǫę ablъkǫ
156: i pověždъ mene po lěpšǫę
157: i oblastna esmъ vitžъstvomъ
158: da ne bǫdet xrabrěiša viteza ot tebe
159: i paky tretia rče eiže imę venouša gžda parižou pastyrevičju
160: prrisǫdi siǫ zlatǫę ablъkǫ
161: i pověždъ mene nai lěpšǫę
162: oblastna bo esmъ ljuboviǫ
163: da ti damъ dobrǫę ljubovъ da tę ljubovię imętъ dobryǫ gžę
164: i da ti damъ dabrǫę gždǫ elenǫ crcǫ grъčskǫę menelaouša crě ženǫ koa e nai lěpěiša vъ vsěx grъcěxъ kakoto ǫ si i prъvoe čjulъ
165: i da ti damъ novo imę
166: da ti bǫdetъ imę aleѯandrъ farižъ
167: i da ti pověmъ oca i matere
168: otcъ ti estъ prěamoušъ kralъ
169: i mti jakoupa gžda troa grada
170: a n ěsi ty onogozi starca snъ
171: i slyšavъ to farižъ pastyrevičištъ i prisǫdi venuši gždi zlatǫę ablъkǫ
172: i vъzvesili sę velmi vъsěmъ srdcemъ svoimъ
173: i kako čju i ispravi ot venoušǫ gždǫ kralevъ snъ
174: i poide
175: i vъzę proštenie ot starca oca svoego koito mou sę otcъ bě nareklъ
176: i poide vъ troǫ graddъ
177: i približi sę pod troǫ na rěkǫ naricaemǫę kašantouša
178: i tou obrěte veneoušъ gždǫ na nei
179: i prišedъ rče kъ nei
180: gžde veneušъ ljubi mę da tę ljubę
181: i otvěšta emou oinešъ
182: o Aleѯandre farižju nině mę ljubišъ
183: nǫ priidetъ vrěmę
184: i ostaviši mę
185: i rče ei Aleѯandrъ
186: o gžde oineuše ne xoštǫ azъ tebe ostaviti
187: egy li tę ostavę togy siazi rěka vašantuša vъspętъ da potečetъ
188: i postavi s neę prъvoe ljubve
189: i vъzę ot neǫ věnecъ
190: i poide vъ troǫ
191: i izydošǫ protivǫ emou troistii vitezi i troiskyǫ gždǫ i samъ prějamouša kralъ i jakoupa gžda troiskaa
192: i priǫsta go
193: i vъvedosta vъ polatǫ
194: i veselěxǫ sę vъsěmъ srdcemъ o nemъ
195: prizva že prějamoušъ kralъ vsę prroky i vračevy i vlastelę i nižnęę ljudi troiskyǫ
196: i reče
197: kto mi xoštetъ pomagati vъ troiskomъ dělě azъ damъ emou tri doly zlata
198: i slyšasta to dva diavola zemnaa
199: i pridosta prěd kralě
200: i rekosta emou
201: my xoštevě stvoriti troǫ da nama dasi
202: i naju znai
203: i načęsta zizdati troǫ
204: i teboušъ bě gǫslъnikъ
205: i gǫděše vъ gǫsli
206: i zizdaše sę troa kǫdou oni rečaxǫ
207: a neptenaboušъ imenemъ iděše vъ more
208: i nosěše iz morě varъ i kamenie prigonę i vodǫ
209: i zizdaaxǫ troǫ kǫdou oni rečaxǫ
210: i egy sъvrъšista vъse dělo troiskoe i pridosta prědъ prěamouša kralě
211: i rekosta emou
212: daždъ nama naju otvětъ eže na si reklъ
213: i slyšavъ to kral i pokaza imъ tri šǫpy rǫkoǫ
214: i rče imъ
215: da vy siǫ doly nasypę do kraa
216: siǫ bo vy oběštaxъ
217: i viděsta ona jako ixъ prěvari
218: i razgněvasta sę
219: i rekosta emu
220: my esvě stvorila troǫ grad
221: my xoštevě i oumysliti kako go i rasypati
222: i poidosta oněmzi prročicamъ koǫ sę razъgněvaxǫ za onǫzi ablъkǫ
223: i načęšǫ proricati o zlěmъ dělě troǫ grada kako bi troa ne stoalъ do vrěmene nǫ da sę bi razorilъ vъ prějamoševo vrěmę
224: i po six iděše kaštranda gžda na rekǫ šimoiševi
225: i tou približi sę kъ nei ipiterъ prrokъ
226: i rče ei
227: kaštrandro gžde pridi kъ mně da ti pověmъ vъsę tainy troiskyǫ što xoštet byti
228: nǫ sę ne poxvali troiskamъ gždamъ kako si besědovala sъ ipiteromъ prrkomъ
229: ašte li sę poxvališъ da xoštǫ tę sъtvoritъ da tę ne věrouǫtъ
230: i ona priide troiskymъ gždamъ
231: i načę prročъstvovati i glati
232: xoštetъ poiti moi bratъ aleѯandrъ farižъ vъ grъky na sloužbǫ kъ menelaoušou crju
233: i xoštetъ ot onǫdou dovesti elenǫ crcǫ grъčъskǫę gždǫ menelaouša crě ženǫ koa e nai lěpa vъ vsěx grъcěx
234: i xoštet eę radi pogorěti troa gradъ
235: i ona se govorěše
236: a oni ei ne věrouaxǫ
237: i prosěše sę aleѯandrъ parižъ ou oca svoego prějamouša kralě na vъsěkъ dnъ glšti
238: pousti mene vъ grъky na sloužbǫ kъ menelaoušou crju
239: i paky xoštǫ ot onǫdou skoro priiti
240: a prěamoušъ kral ne xotěše ego poustiti
241: i ne može ego udrъžati
242: nǫ pousti ego vъ grъky na dvorbǫ sloužiti menelaoušou crju
243: i napravi Aleѯandrъ fariž korabъ svoi
244: i vъzemъ mnogočestnaa rouxa i zlata i beserie i ina mnoga različna darovania i vъnide samъ vъ korablъ sъ otroky svoimi
245: i otrinǫ sę vъ more
246: i otide vъ grъky
247: i prista pod dvorъ menelaouševъ
248: i ouvěděvъ to menelae crъ i izyde protivǫ emu daleče
249: i cělova ego
250: i rče emou aleѯandrъ fariž
251: o gdne crju da uvěs crstvo ti azъ ne priidox sloužiti tebě zlata radi ili srebra ni na inomъ dobytcě nǫ da vidę koa jes čъstъ na tvoemъ dvorě ili koa dovolna čъsti dvora crstva ti
252: i slyšavъ to menelae crъ i obveseli sę srdcemъ
253: i poǫtъ ego vъvede vъ polatǫ crskǫę kъ eleně crci
254: i sědše na edinoi trapezě i piaxǫ črъvlena vina triglěna izъ edinǫ čašǫ menelaoušъ crъ i aleѯandrъ farižъ i elena crca
255: i po tomъ egda priemaxǫ oubrousъ i omyvalnicǫ ot stola togda napisovaaše aleѯandrъ farižъ črъveněm vinomъ na bělomъ oubrousě
256: i tako govorěše
257: eleno crce ljubi mę da tę ljubę
258: i elina crěca ouměaše knigǫ
259: a menelae ne poznavaaše ni slova
260: i pousti menelae crъ bratou svoemou agamenou crju
261: i rče emu
262: ouvěždъ brate moi kako mi jes bъ posobilъ
263: i xotętъ moa droužina mně sloužiti
264: i bǫdi o semъ veselъ
265: i slyšavъ se agamenъ crъ i ozlobi sę srdcemъ
266: i rče
267: azъ o semъ veselъ esmъ jako esvě samodrъžca
268: a o semъ n ěsmъ veselъ eže naju droužina sloužiti namъ
269: da bljudi sę togo da ne priidet čjuždee dobro i vъzmetъ našǫ čъstъ
270: i bǫdet tomou velika čstъ
271: a nama velika sramota
272: i pousti bratou svoemou
273: slyšavъ se menelae crъ i ozlobi sę srdcemъ
274: i rče
275: kako n ěs draga moa čъstъ bratou moemou
276: i na vsěkъ dnъ pisaaše aleѯandrъ črъveněmъ vinomъ na bělom oubrousě
277: a elena crca mlъčaše
278: i vъ edinъ dnъ prizva elena crca aleѯandra vъ polatǫ
279: i rče emou tixymi besědami
280: o aleѯandre farižou ostavi drъzostъ svoǫ ot mene
281: ašte bo ouvěstъ gnъ moi menelae crъ to xoštet tę oumoriti zlě
282: i rče ei aleѯandrъ
283: o gžde moa eleno da věsi o moei sloužbě n ěs inъ obrokъ nǫ mi esi ty obrokъ
284: Azъ n ěsmъ prišelъ da sloužǫ na zlatě ili bisrě
285: zane troiskaa polata edina vęšte imatъ zlata i srebra neželi grъčъskaa drъžava
286: i egy bi viděla troiskyę vitezy ne bi rekla vitezi sǫtъ nǫ gdni i vlastele
287: da gžde moa eleno gotovъ esmъ priǫti mǫky neželi dlъgo mǫčimъ bǫdǫ po tvoei lěpotě
288: i rče emu elena crca
289: o aleѯandre ne ostavlěmъ tebe vъ krivině
290: nǫ jes pdobno rešti takovomou vitezou koi viditъ selikǫ lěpotǫ i ljubitъ
291: vъ dnъ tъi pride glas menelaoušou crju jako otvrъže sę rousagъ kaakiiskyi
292: i rče menelae crě po grъcěx silnǫ voiskǫ sъbrati i poiti na palagiiskyǫ rousagy
293: i uvědě to aleѯandrъ farižъ
294: i stvori sę bolenъ
295: i leže vъ crskoi polatě
296: i ta polata běše opęta rouxomъ svilnym i zlatom i bisrom
297: i rče emu menelae poiti sъ nim na voiskǫ
298: i reče emou aleѯandrъ
299: o gne crju ne moštenъ esmъ do zěla
300: da ašte stanǫ radъ esmъ poslědovati crstvou ti
301: i po sixъ otide menelae crъ na voiskǫ
302: i vъ někyi dnъ povede elena crca dvcę xoro igrati i sъ grъčъskymi gždami po gradou
303: viděvъ to aleѯandrъ farižъ i rče svoimъ otrokamъ
304: privezěte mi brъzǫę katrъgǫ
305: i da vidę znamenie moe egy privezete
306: i primъkošǫ egovi junaci brъzyi korabъ egovъ
307: i dvignǫšǫ zlatyi xilemъ ego na kopi
308: i viděvъ aleѯandrъ i vъzętъ elenǫ crcǫ pod pazuxǫ svoǫ
309: i vlězъ s neę vъ brъzy korabъ svoi sъ otroky svoimi
310: i otrinǫ sę na more
311: i doplou pod troǫ gradъ
312: i prista na šimoševě brězě
313: i ouvěděvše troistii vitezi i troiskyę gždę i ne xotěxǫ izyti protivǫ emou ni edinъ vitezъ ni edinъ ot otrokъ
314: zane věděxǫ kolika sę šte krъvъ proliati pod troǫ za elenǫ crcǫ
315: i izyde protivǫ emou ocъ ego prějamoušъ kralъ i mti egova jakoupa gžda
316: i ǫtъ prěamoušъ aleѯandra za rǫkǫ A jakoupa gžda elenǫ crcǫ i vъvedošǫ ę vъ polatǫ svoǫ
317: i slyšavъ menalaoušъ crъ jako vъzę aleѯandrъ farižъ elenǫ crcǫ i otrinǫ sę vъ more i otide pod troǫ i ozlobi sę srdcemъ velmi
318: i vъzvrati sę vъ kaakiiskyǫ drъžavy
319: i uvěděvъ sia brat ego Agameno crъ i sъbrav sę skoro pride kъ menelaoušou crju
320: i žalovasta velmi glšte
321: kolika sramota dvignǫ sę nama
322: i sъbravša silnǫ voiskǫ poiti podъ troǫ
323: i pride naprěd ajakšъ šolomoničevъ synъ sъ *l* katrъgy na pomoštъ meneoušou crju bezъ zapovědi
324: i po tomъ priide palamidešъ pridičevъ snъ sъ *l* korabli bez zapovědi
325: i po six běše edin člkъ mǫdrъ ourekšešъ imenemъ lartěševičъ snъ
326: i ouvědě to
327: i stvori sę běsenъ
328: i načę pěsъkъ orati a solъ sěati da sę toliko ne pričęstitъ troiskoi krъvi
329: i běše drougyi člkъ mǫdrъ imenemъ palamedežno priidičevъ snъ iže pristǫpivъ rče crema
330: vъ istinǫ e ourekšišъ mǫdrъ člkъ
331: i otmětaet sę takovǫ xytrostię da sę ne pričęstitъ troiskoi krъvi
332: da pousti da vrъgǫtъ sna ego prěd oralom
333: da ašte bǫdetъ běsenъ to prěorat si štetъ sna
334: ašte li n ěs běsenъ to sъstavitъ † si štetъ volovy ne orati
335: i poustista oba crě ajakša solomoniča
336: i ouxyti mou sna
337: i povrъže go prědъ ralomъ
338: i ourekšišъ sъstavi volovy ne orati
339: i povede go iaijakšišъ prěd oba crě
340: i rče ourekšišъ kъ cremъ
341: volil bix ticat sъ běsnymъ psomъ po světou za *g* lěta neželi viděti troiskyǫ krъve kolika štetъ byti za elenǫ crcǫ
342: běše že i acileešъ xrabryi pače vъsěx grъkъ fereleševъ snъ
343: i oděa sę vъ ženъskoe ruxo
344: i poide sъ gždami po graděxъ eda sę tako outaitъ da sę ne pričęstitъ troiskoi krъvi
345: zane věděše kolika sę štet krъvъ proliati za elenǫ crcǫ
346: po semъ isčъtosta oba crě voiskǫ korablei tysǫšta i *ro*
347: i otrinǫšǫ sę vъ more
348: i poidošǫ pod troǫ
349: i pristašǫ vъ edinomъ ot otokъ krasenъ zělo imenemъ abakoumъ
350: i vъ tomъ otocě běše edina lěpa košouta vily i prročcę imenemъ felešǫ gždǫ koa obladaše morskymi vlъnami i větrom
351: i ubišǫ onǫ košoutǫ vitezi agamena crě
352: poneže ne znaaxǫ
353: i ouvědě to feleša gžda
354: i razgněva sę velmi
355: i pousti velikyǫ vlъny na more da pogoubitъ vsę korablę grъckyǫ do konca
356: i pristašǫ vъ tomъ otocě
357: i ozlobi sę menelae crъ velmi
358: i prizva popa kalkaša
359: i vъprosi ego glę
360: počto bys se
361: i xoštemъ pogynǫti vъ otocě semъ
362: i rče emou popъ kalkašъ
363: oubile sę vitezi obrětše košoutǫ vily proročicǫ felešǫ gždǫ
364: i progněvala sę e na nix
365: i poustila e vlъny na more da pogoubitъ vъsę grъčъskyǫ korablę
366: a tiezi vitezi sǫtъ agamena crě iže pogoubišǫ košoutǫ felešǫ gždǫ
367: i tako velitъ
368: do kolě mi ne bǫdet dъšti agamena crě cvětany gždǫ prělěpyǫ ne xoštǫ ixъ poustiti
369: i slyša to menelae crъ
370: i skaza bratu svoemou agamenou crju
371: i ouvěděvъ agamenъ ozlobi sę velmi
372: i ne směaše ni edinъ pristǫpiti vitezъ k nemou
373: zane bě gněven
374: i pristǫpi k nemou edinъ člkъ nai mъdrъ vъ vsěx grcěx imenemъ urekšъ
375: i rče
376: o crju gne ostavi gněvъ svoi
377: i pousti za svoǫ dъštere cvětany gždǫ
378: i podai ǫ za ony košouty
379: poneže si pošelъ sъ bratomъ svoimъ da naidešъ čstъ a sramotǫ da ostavišъ
380: i koi sę sę dvignǫle grъckyǫ voevody i sarakinstii ourove i kaakiistii i palagiistii i ragouilъstii vitezi da sie sebě sǫtъ naišle sъmrъtъ a tebě sramotǫ
381: i naišlo sę e mnogo gždъ vъ vdovičъstvo ašte toliko ne poustišъ za svoǫ dъšterъ
382: i slyšavъ to agamenъ crъ i ostavi gněvъ i srъdbǫ svoǫ
383: i pousti za svoǫ dъšterъ cvětany gъdǫ
384: i otpoustista oba crě ourekšiša lartěševa sna
385: i napravi oureekšišъ svoi brъzyi korabъ koi probivaše silnyǫ morskyǫ vlъny
386: i doplouvъ prista podъ dvorъ agamena crě
387: i doide k lętomeštrici crci
388: i rče ei
389: napravi svoǫ dъšterъ
390: i dai ǫ povesti pod troǫ
391: i rče crca
392: kako se možetъ byti eže povesti dъšterъ moǫ tamo
393: i rče ei
394: o gžde crce da ouvěsi jako umirišǫ sę
395: i sъedinišǫ sę troane sъ grъky
396: i povratišǫ elenǫ crcǫ bez rъvani
397: i xoštemъ dati cvětanǫ gždǫ našǫ za eleouša prějamouševa sna vъ troǫ
398: i slyšavъ to crca i obveseli sę srdcemъ velmi
399: i napravi svoǫ dъštere
400: i das ę ourekšju povesti pod troǫ
401: i v nъže dnъ povede ę vъ tъi dnъ prěstašǫ vlъnenia morju †
402: i vъ tyǫ noštъ priide peleša gžda kъ agamenou crju
403: i rče emou
404: ostavi mi bez boazni svoǫ dъšterъ vъ sem otocě
405: azъ bo mlstiva ei xoštǫ byti i xraniti dovolně
406: i egda bys zautra opoišǫ ę vino
407: i ouspišǫ ę
408: i ostavišǫ ę spęštǫ
409: i otrinǫšǫ sę grъčstii korable pod troǫ na ratъ
410: i naprěd iděše iaiakša snъ šolomoničevъ i ourekšeša larteševa sna
411: i izyde protivǫ imъ prěmogyi vitezъ ektorъ kralъ i s nimъ troistii vitezi ancidešъ i etenorъ i enošъ
412: i strělěaše ektorъ kralъ strěloǫ gabilotoǫ
413: i vъ edino pouštenie potaplěaše tri korablę grъckyę
414: i štitěše iajakšъ šolomoničevъ snъ svoimъ štitomъ zorěnymъ
415: i zaštiti *zi* korabei grъčъskyx ot živogo ogně iektorova
416: i po tomъ izydošǫ grъčъstii vitezi na ratъ
417: i izyde protivǫ i elěnoušъ prějamušvъ snъ bratъ aleѯandrъvъ
418: i načę sę biti podъ troǫ
419: i ourva elěnušъ tivourcera diceva sna
420: i ležaše tivoucerъ podъ svoimъ farižemъ koi sę zověše rogafarižъ
421: i ležaše vъ troiskomъ prasě problěděvъ ot sъmrъtnago straxa
422: i bliz nego bě ourekšišъ
423: i ne smě ego otęti
424: nǫ go izę ajakšъ šolomoničevъ snъ
425: i po tomъ izydošǫ grъčъstii vitezi i voevody pod troi
426: i postavišǫ črъveny zastavy i bělyǫ tenty
427: i stašǫ pod troǫ
428: i pode menelae crъ i ourekšъ na věrě prějamouša kralě
429: i načęsta govoriti prějamoušou kralju vratiti na opętъ elenǫ crcǫ bez rъvani da ne za neę radi prolěet sę velika krъvъ i mnoźi vitezi pogybnǫtъ
430: i xotěše kralъ vratiti ę
431: i ouvědě to aleѯandrъ farižъ
432: i doide
433: i xotěše pogoubiti menelaouša crě i ourekšiša† ašte ne bi ix prějamušъ zastǫpilъ
434: i ouvědě to aoineša gžda
435: i doide na farifa aleѯandra
436: i načę sę karati sъ nimъ
437: i rče
438: o aleѯandre poměni tozi egda azъ tečax svoima bosama nogama po morskomou ostromou pěskou bez pokryvala is tvoego plavogrivěstogo prusca
439: i rěx ti
440: aleѯandre farižou nině mę ljubišъ
441: a po tomъ priidet vrěmę kako mę xoštešъ ostaviti
442: i ty sę mně klъněše
443: ne štǫ tebe ostaviti
444: egy li tę ostavę togъi siazi rěka da poteče vъspętъ
445: togy vъzę elenǫ crcǫ
446: A mene esi Ostavilъ da se xoštet sę eę radi velika krъvъ proliati pod troǫ
447: i mnozi pogybnǫt
448: A egy ty iděše vъ grъky na dvorbǫ menelaou crju togy sę azъ molěxъ morskoi vilě da oustavitъ morskyǫ vlъny da ty ideši sъ veselemъ srdcemъ
449: a kogy bix viděla poǫl si elenǫ crcǫ i idešъ to paky umolila bix vilǫ
450: ta bixǫ tvoi korable potonǫle
451: i ostavi oinešъ gžda aleѯandra
452: i poide na elenǫ crcǫ karati sę s neǫ
453: i rče ei
454: poměni egy to ny tri sěděxomъ vъ morъskomъ otocě
455: i doide tezišъ vitezъ
456: i vъzę tebe iz meždǫ nas
457: i po tom tę e vъzęlъ menelaoušъ crъ
458: a sezi si vъ tretię postelę prěljuby sъtvorila a mene izgnala da se xoštet sę za tebe velikaa krъvъ proliati
459: i slyšavъ to menelae crъ i ourekšъ i izydosta iz troǫ
460: i doidosta vъ grъckyi stanъ
461: i kazasta vъsěmъ koa im bě sъmrtъ obštaa ot aleѯandra olǫčena
462: i prizvasta oba crě popa kalkaša
463: i načęsta ego vъprašati
464: pověždъ nama
465: koa sę zdania trěbě troi na rъvanъ
466: kako li možemъ troǫ prěǫti
467: i rče imъ popъ kalkašъ
468: prъvoe trěbě dovesti acileeša ferleševa sna
469: i drougoe trěbě privesti pilotaša petičeva sna strěloǫ gabilotoǫ
470: i dokolě stoitъ dělo na straža na vysokomъ kasteli i obrazъ miněrve gždǫ i dokolě stoitъ kamenъ veliky nadъ vraty tako sǫtъ prročcę prorekly ne možet sę † troa prěǫti
471: i slyšavъ to ourekšešъ i založi svoǫ glavǫ na sręštǫ
472: i stvori remeniemъ stlъbǫ
473: i zavrъže ę
474: i vlěze noštię vъ troǫ
475: [...] delo na straža na vysokomъ kasteli
476: i vъzę obrazъ miněrve gždǫ
477: i doide na troiskaa vrata
478: na ix bě reidešъ kralъ
479: i oubis ego
480: i izvede bělogo fariža reideša kralě
481: i doide vъ grъčъskyi stanъ sъ velikoǫ čъstię
482: i vъzveselišǫ sę oba crě i vsę voevody i ourove grcsti
483: i poustišǫ iaijakša da ištet acileša
484: i iska ego vъ mnozěxъ městěxъ i otocěx i graděxъ
485: i ne može go naiti
486: i doide na edinъ ot otok lěpъ i krasenъ velmi koi sę zověše kalkadinovъ otokъ
487: i vъ tomъ otocě běše pirgos krasenъ
488: i vъ tomъ pirźě běše kralъ imenemъ koeta kral
489: i u togo bě kralě *e* dъšterii
490: i *ź* acilešъ
491: i vъzvrati sę pod troǫ
492: i ispověda imъ
493: jako iskax ego po vsěx gradox
494: i ne mogox obrěsti ego
495: i ozlobista sę oba crě i vъsi velъmǫže grъčъsti
496: i poustista paky ourekšeša iskati acileeša
497: i napravi urekšešъ svoi korablъ mnogočъstnymъ bisromъ i zlatomъ i rouxy zlatymi i krasnyǫ junaky
498: i povede bělogo fariža reideša kralě
499: i prěloži na nemъ světloe orǫžie i štitomъ na koem bě pisano obrazъ prostrannogo světa slnce i mscъ i zvězdy i bourě i lakomy mečъ oreša kralě koi vъsegda želaaše troiskyǫ krъve
500: i otrinǫ sę na more
501: i poide iskati acileeša
502: i prista na toižde otokъ vъ nemže bě koeta kralъ
503: i ouvědě to koeta kralъ
504: i izyde protivǫ emou
505: zane mou bě bližnii
506: i vъvede ego vъ polatǫ
507: i obědovaxǫ na ednoi trapezě
508: i po obědě rče ourekšišъ kralju
509: o gsne da věs kralevъstvo ti
510: poustišǫ mę oba crě
511: i dašǫ darovy tvoimъ dъšterěmъ a moimъ sestramъ
512: da poveli imъ da izydǫt na morskyi otokъ da si vъzimaǫtъ što e koei drago
513: i povelě kralъ izyti vъsěmъ gžamъ iz dvora na more
514: i načęšǫ vъzimati što koa ljubitъ
515: a acileešъ stoaše poględouǫ na fariža jako sokolъ na pticǫ
516: i minǫ mimo nego
517: i rče
518: sъi farižъ podbenъ estъ po dobrogo viteza
519: i sie orǫžie na egově širocěi plešti
520: i sъi štitъ na egovǫ krěpkǫę myšcǫ
521: i slyšavъ to urekšišъ i položi emou svoimъ rǫcě na ramě ego
522: i rče kъ acileešou
523: o ubožnia dvce ne oustrašai sę ot troǫ
524: ožidaetъ tebe troa na razorenie
525: i tou prěvari ourikšešъ acileeša
526: i povede ego pod troę
527: i doidosta na pridežъskyǫ otoky
528: i vъ tomъ otocě běšǫ vitezi iektora kralě souličnikъ felesponъ sъ nimi
529: i xotěxǫ da pogubętъ acileeša i urekšeša
530: i poide protivǫ acileešъ na bělomъ fariži
531: i oubi felepona souličnika i egovǫ droužinǫ žerobona viteza i skadriona i ne čъstivago iermona
532: i vъzę acileešъ telespona souličnika dъštere brižeida gždǫ koa běše nai lěpa vъ troiskaxъ stranax
533: i povede ę pod troǫ
534: i doidosta vъ grъčъstii stanъ sъ velikoǫ čъstię
535: i obveselista sę oba crě i vsi velmǫžie i vsi ourove grъctii i sracinъstii i kaakiistii i ragouilъstii vitezi
536: i tvorěše branъ iektorъ kralъ
537: i poražaaše množъstvo grъčъskyix vitezъ na vsěkъ dnъ
538: i mnogyǫ velъmǫ pogoublěaše
539: i boaše sę glsa acileševa
540: i egda bys vъ nekyi dnъ i napravi sę acilešъ
541: i poide pod svoǫ armatosię i svoimъ znameniemъ protivǫ ektoru kralju
542: i stavša sę poljubista sę
543: i ǫsta sę za rǫkǫ
544: i vъ tъi dnъ ne xotěsta sę biti
545: i běxǫ plěnile grъčъstii vitezi troiskyǫ strany
546: i privele běšǫ rižeouša popa dъštere rižeoudǫ gždǫ koa běše nai lěpšaa vъ troiskyxъ stranaxъ
547: i viděvъ ǫ agameno crъ lěpǫ i krasnǫ velmi i vъzę ę sebě
548: a arižeoušъ bě popъ snъ tebouxa boga
549: i uvědě to teboux bogъ
550: i razgněva sę velmi
551: i pousti svoim vlъšveniemъ velikъ nedǫgъ vъ grъčъskǫę voiskǫ
552: i mnozi pomiraaxǫ
553: i vъprosi acilešъ kalkaša popa
554: počto razgněvě sę na nas bъ
555: i xoštemъ pogynǫti
556: i rče kalkašъ popъ
557: zane e agamenъ crъ rižeouša popa dъštere vъzęlъ
558: a rižeoušъ popъ snъ jes tebouxa boga
559: i reklъ e teboux bogъ
560: dondeže ne povratętъ rižeudǫ gždǫ ocou eę ne xoštetъ sъi nedǫgъ prěstati ot grъčъskyǫ voisky
561: slyšav že se acilešъ šedъ rče menelaoušou crju pričę siǫ
562: i emъ za rǫkǫ acilešъ rižeoudǫ gždǫ i vъzvrati ǫ kъ ocou e
563: i razgněvav že sę agamenъ crъ vъzętъ ženǫ acilešu
564: i razgněvě sę acilešъ
565: i ne xotěše izyty na ratъ na ektora
566: i poustista oba crě ourekšeša i tivoučera kъ acilešou
567: i rekosta acilešou
568: gdne ostavi svoi gněvъ
569: i vъzmi orǫžie
570: i poidi protivǫ ektorou kralju da bi sę ostavivilъ grъckyǫ voisky
571: acilešъ že ničъsože otvěštavaaše
572: i poustista oba crě acilešou brěžeidǫ gždǫ da razgovoritъ ego
573: i načętъ besědovati kъ nemou
574: poustila mę sta oba crě da mę priimešъ na opęt
575: i ostavi gněvъ
576: ta izydi pod troǫ na branъ davno bi odelě nektorju kralju
577: a acilešъ ničtože otvěšta
578: i napravi sę aiakšъ
579: i poide na nektora
580: i vъzę aiakšъ kamen koego ne mogǫtъ dva viteza dvignǫti
581: i najazdi
582: i oudari ektora kralě
583: i poklęknǫ ektorъ i [...] egova faria na zemę
584: i obrašt sę rče
585: n ěs sъi oudarъ ot grъckyixъ oudarъ
586: nǫ es ot prižiiskyxъ krъvii
587: i vъprosi jego
588: kto esi ty
589: i rče emъ
590: azъ esmъ iaiakšъ
591: i ektorъ rče
592: pravo reklъ esi
593: n ěsi ty ot grъčъskyx vitezъ
594: nǫ si ty ot prižiskyǫ krъvi
595: a ežeona gžda mně es sestra
596: i dade mou ektorou svoego zlatogo meča
597: i rče mu
598: opoaši sę simъ zlatymъ mečemъ po orǫžiju svoemu
599: da egda ideši na rъvanъ da azъ ot tebe ne pogynǫ
600: a ty ot mene
601: i poide ektorъ vъ troǫ
602: i prišed rče bratou svoemou aleѯandrou farižu
603: ne tebe radi li pride branъ sia na troǫ
604: i azъ tebe radi krъvъ svoǫ prolivamъ
605: a ty ne xošteši nikogy sъ mnoǫ izyti na rъvanъ
606: i rče poiti
607: da egy sta zaoutra i napravi sę aleѯandrъ
608: i poide na branъ
609: i ouvědě menelaoušъ crъ jako aleѯandrъ fariž idetъ na rъvanъ
610: i narędi sę menelaušъ crъ
611: i poide protivǫ emou
612: i najazdista sę
613: i urva menelae aleѯandra fariža
614: i ležaše vъ troiskomъ prasě
615: i vraštъ sę menelae crъ i xotěše ego pogubiti do konca
616: i prispě venouša gžda
617: i stvori velikǫ mъglǫ
618: i ne može go obrěsti
619: nǫ uběže vъ troǫ
620: i vidě ego elina crca
621: i rče emou
622: o aleѯandre farižou vědě govorěx ti
623: protivǫ ne isxodi melaoušou crju
624: zane bo e po xraberъ ot tebe
625: a ty esi po čъtenъ gdnъ i po dobrъ igrecъ igrati i veseliti sę sъ gždami
626: viděx bo jako tvoi žlъtii vlasi ležaxǫ vъ troiskomъ prasě ašte ne bi bratъ tvoi ektorъ kralъ vъzbranilъ grъčъskymъ vitezom da priideši vъ troǫ
627: i abie ektorъ kral biaše grъckyǫ voǫ
628: acilešъ že sěděše i ględaše
629: i pride otrok acileševъ imenemъ potrikolušъ doičikъ koi běše sъ nimъ edino mlěko salъ
630: i rče emu
631: o gdine acileešu primi svoe orǫžie i svoi farižъ
632: i poidi pod svoimъ znameniemъ protivǫ ektoru kralju
633: Ašte li ne xošteši da pousti mene
634: i napravi mę vъ tvoemъ orǫži i pod tvoimъ znameniemъ
635: davno sę bi vъzvratilъ ektorъ kralъ ot nas
636: i pousti ego acielešъ
637: i vidě ektorъ kralъ znamenie acileševo
638: i ouboa sę i egovъ farižъ
639: i načę běžati
640: i paky vrativ sę rče
641: n ěs mi sramota ot dobra viteza oumrěti
642: i načęsta sę biti
643: i oubi ektorъ potrokolouša
644: i privęza ego farižou ego kъ opaši
645: i povlěče ego vъ troǫ
646: i radouaše sę mnę jako acileša oubi
647: viděvъ to acilešъ i žalostenъ bys velmi
648: i pousti materi svoei tetiši gždi vъ eliny
649: i rče ei
650: dopousti mi onakvozi orǫžie kakvoto mi bě i prěžde dala
651: ašte li mi ne dasi da ponestъ štǫ moǫ glavǫ golǫ pod troiskyi zizdъ
652: i k tomou mene ne vidiši
653: i slyšavъ to tetiša gžda i poide vъ gorǫ kalkanoušu kovačju pod koimъ bě *t* malyx diavol
654: i dade emou mnogo zlata
655: i rče emou po skoro iskovati vsěka orǫžia
656: i iskova orǫžia dobra
657: i pusti tetiša gžda Acilešou snou svoemou pod troǫ
658: i vъ koi dnъ prineseno bys orǫžie to vъ tyǫže noštъ vidě sъnъ žena ektora kralě evtropia gžda
659: i razboudi sę ot sъna svojego
660: i načę plakati žalostno
661: i stavši ide prěd ložnicǫ svekra svoego prějamouša kralě
662: i slyšavъ to prějamušъ kralъ i rče
663: kto jes prědъ moǫ ložnicǫ vъ polounoštъ i toliko plačetъ
664: i rče gžda
665: gdne evo smъ azъ sama
666: i n ěsmъ prъvoe prixodila ni govorila
667: i nině ti govorę
668: i molę tę
669: ne otpouštai sna svoego vъ outrěšnyi dnъ na rъvanъ na acileeša
670: zane go ne šte na opętъ dočakatъ
671: i slyšavъ to prějamušъ načę ę vъprašati
672: vъstavše i skaza emou sъnъ eže vidě
673: izyde iz troę velika mečka
674: a iz grъčъskyę voisky veprъ
675: i načęsta sę boriti
676: i posěče veprъ mečkǫ
677: i ležaše na troiskomъ prasě
678: i vъvlěče ę vъ grъčъskyi okolъ
679: i k tomou ne viděxъ kamo sę děnǫ
680: da ašte poustišъ iektora to ne štešъ go viděti
681: i slyšav to prějamoušъ kralъ i načę ę těšiti tixymi besědami
682: o gsne ne zlosrъdi sę
683: my xoštemъ stvoriti čto estъ dobrě
684: i provodi ǫ vъ ložnicǫ eǫ
685: i egy bys zaoutra i napravi sę ektorъ kralъ na branъ
686: i izydošǫ protivǫ emou troiskyę gždę i mati egova jakoupa gžda i žena egova androfia gžda i sestry ego kaštranda i polikšena
687: i vъzbraněaxǫ emou da ne bi isxodlъ na branъ
688: on sę ne xotěše ostaviti
689: i vъzę žena egova sna ego
690: i metnǫ prěd fariža egova davno sę bi vъzvratilъ
691: a on sę ne xotěše vъzvratiti
692: i rče emou žena ego androfia gžda
693: o ektore počakai mene malo
694: i šedъ v ložnicǫ svoǫ sъvlěče sъ sebe svilnoe rouxo
695: i oblěče črъny rizy
696: i ide prěd nego
697: i sta prěd farižomъ
698: i rče
699: o ektore kralju da věsi ašte sę nině ne vratišъ to sikvozi štǫ rouxo nositi po tebě
700: i tako ektorъ ne vrati sę
701: nǫ poide protivǫ acilešou
702: i sъstavša sę ne bista sę vъ tъi dnъ
703: nǫ postavista srokъ biti sę zautra
704: i vъ toizi dnъ oubi ektorъ *z* urovъ grъčъskyx
705: i zautra izyde ektorъ kralъ
706: i načęsta sę biti sъ acilešem
707: i najazdi acilešъ ektora
708: i urva ego
709: i probode
710: i mrtvъ pade na zemę
711: i vъzę go acilešъ
712: i zanese na svoi stanъ
713: i viděvše troistii velmǫže i gždǫ i načęšę žalostno plakati
714: i vъzę prějamoušъ kralъ na sebe ništę i xudy rizy i gǫsli
715: i poide vъ grъčъskǫę voiskǫ
716: i načę pytati acileševa katouna
717: koego e dnes bъ počъlъ da mę napoitъ i nakrъmitъ grěšnago i strannago
718: i doide na acileševъ katounъ
719: i načę gǫsti vъ gǫsli žalostno velmi
720: i daaše emou ot včerę svoǫ jasti i piti
721: i egy bys po včeri i legošǫ piani spati
722: usnǫšǫ i stražie
723: i vъstavъ prějamoušъ i načę iskati sna svoego iektora kralě
724: i obrěte ego na posteli mrtva sъ acilešemъ ležǫšta
725: i viděvъ ego prějamoušъ mrъtva i vъzdъxnǫvъ ot srdca velmi
726: i viděv to acilešъ i oustraši sę
727: i rče emou
728: kto esi ty
729: i rče onъ
730: azъ esmъ prějamoušъ kral
731: i ištǫ sna svoego ektora kralě
732: i rče emou acilešъ
733: ašte ty esi prějamoušъ to azъ ot straxa tvoego mrъtvъ esmъ
734: i rče prějamušъ
735: ne boi sę gdne
736: ot mlada togo n ěsmъ sъtvorilъ da spęšta viteza pogoublę
737: nǫ prošǫ sna svoego ektora
738: i rče emou acilešъ
739: da azъ to stvorę
740: da azъ ponesǫ ektora na svoeju pleštou vъ troǫ po vě†rě i klętvě prějamouševě
741: da zdravo vъnidǫ i paky izydǫ
742: i zautra vъzemъ acilešъ ektora kralě i ponese go vъ troǫ
743: i prědašǫ go troiskymъ gždamъ
744: i načęšę ego plakati
745: i rče prějamoušъ acilešou
746: poiděvě vъ crkvъ klęti sę drougъ drougou zlo ne mysliti
747: da bi sěmę ostavilъ v troi
748: i da ti vъdamъ moǫ dъšterъ polkšenǫ gždǫ koato e nai lěpša vъ vsěxъ gždaxъ troiskyx
749: i poidosta vъ crkvъ
750: i klę sę prějamoušъ prъvoe
751: i otstǫpi
752: i poklęknǫ acilešъ klęti sę jako ne rъvati †troǫ
753: i tou sę bě skrylъ elěnoušъ prějamouševъ snъ
754: i udari acileša jadovitǫ strěloǫ vъ pętǫ
755: zane bě vesъ armatosanъ
756: toliko xodila ego bez želěza
757: togda acilešъ pad na zemę izdъše
758: i viděv to prějamoušъ kralъ ozlobi sę velmi
759: i sъvlěče prějamoušъ s nego armatosъ vsę
760: i otpousti oběma crma
761: i skaza ima kako ima věrǫ izlomišǫ
762: da ašte velita da tělo ego prinesę k vama
763: i plakašǫ velmi viděvše orǫžie acileševo
764: i porǫčista prějamoušou kralju sъžešti tělo ego i vъsipati vъ krъčagъ
765: da stvorimъ grobъ ego na dalečnoi zemi
766: i slyšavъ to prějamoušъ kral i sъžeže plъt ego
767: i vъsypa vъ zlat krъčagъ
768: i otpousti crema
769: i viděvša crě i urove grъctii divišǫ sę gljušte
770: o silo i slavo acileševa kako tę ne sъvzeměxǫ vъsi gradi i otoci
771: a nině edinъ zlat krъčagъ n ěs tę plъnъ
772: i načę ourekšišъ prositi orǫžie ego
773: i ne davaše go iaiakšъ
774: nǫ rče
775: o grъčstii crie i velmǫže i urove sarakinъstii i kaakiistii i palagiistii i ragouilъstii vitezi ne davaite urekšišou orǫžia acileševa
776: ne uměet bo s nimъ vamъ rabotati
777: nǫ e daite aiakšou koito uměetъ i nositi
778: i pomněte kogy azъ priidox sъ *l* korabi na pomoštъ vamъ bez zapovědi
779: a urekšiš sę bě stvorilъ běsenъ
780: ta pěsъkъ orěše
781: a solъ sěaše da sę ne pričęsti troiskoi krъvi
782: i paky otvěšta ourekšišъ
783: i rče
784: o urove grъčъstii ne davaite aiakšou orǫžie to
785: nǫ poměně egy xtěxmy vъ otocě onomъ ot zlyǫ bourę pogynǫti za onǫ košoutǫ
786: i ne smě poiti iajakšъ na opęt vъ grъky za cvětany gždǫ
787: nǫ poidox azъ
788: i privedoxъ ę
789: i stašǫ vlъnenia morskaa
790: i vy poidoste sъ veselěmъ pod troǫ
791: da prisǫdite ourekšišou orǫže to
792: i rče iaiakšъ
793: o grъctii ourove ne prisǫždaite ourekšišou togo orǫžia
794: prisǫděte e aiakšou koi xoštetъ po čъstno sъ nimъ vamъ rabotati
795: i poměnite to egy doidoxmy pod troǫ na branъ
796: i urva elěnoušъ prěamouševъ snъ tivoucera diceouševa sna
797: i bliz nego bě ourekšešъ
798: i ne směaše ego otęti
799: i otęx bo go azъ aiakšъ
800: dadite mně to orǫžie
801: i rče ourekšešъ
802: o grъčъstii ourove poměněte egy azъ založix svoǫ glavǫ na sręštǫ
803: i poidox vъ troǫ noštię
804: i stvori vsě namъ eže na poxvalǫ
805: i izvědoxъ bělogo fariža reideša kralě
806: a togo pogoublъša
807: i doidox kъ vamъ sъ velikoǫ čъstiǫ
808: daite mně to orǫžie
809: i ne davaite e iaiakšou koi ne uměetъ ni ednoǫ vamъ čъsti sъtvoriti
810: i rče aiakšъ
811: o grъčъstii ourove poměněte to egda poidox protivǫ ektorou kralju
812: i vъzęxъ velikyi kamenъ kolikago ne možaxǫ dvignǫti dva viteza ot zemę
813: i oudarixъ ektora kralě
814: i poklęknǫ ektorъ i egovъ farižъ na zemę
815: da prisǫdite mně sie orǫžie
816: a ne davaite e ourekšou na plěšivǫę glavǫ
817: i načę govoriti ourekšъ tixymi besědami
818: o gdna crě i vъsi egovi velmǫžie i ourove da věste
819: azъ ničъsogo prošǫ
820: nǫ mene poustiste da dovedǫ acileša
821: i privedoxъ go kъ vamъ
822: da nině jego prošǫ vamъ
823: dadite ego mně samo da otvedǫ i postavlę gde togo smъ i vzęlъ
824: togda crъ i vsę voevody i ourove grъčъstii koi sěděxǫ vъ koulě i načęxǫ poględovati drougъ na drouga
825: i ne iměxǫ čto otvěštati ourekšišou
826: i dašǫ emu orǫžie acileševo da imъ ne bi prosilъ acileša
827: i vidě to aiakšъ
828: i izę svoi malyi mečъ
829: i probode sę na tomъ městě za žalostъ svoę
830: i ozlobi sę o tomъ vъsě voiska grъckaa i oba crě
831: i vidě to ourekšešъ kako sę ozlobista oba crě i vsi bolěre ego
832: i reče ourekšešъ oběma crema
833: ne zlobita sę gdna moa
834: nǫ da věsta izvěstno
835: azъ vamъ xoštǫ to stvoriti kako xoštemъ troǫ prěǫti lъstię
836: i viděv to jakoupa gžda troiskaa jako xoštet sę troa skončati i napravi sna svoego menšego koego zověše polidvoroušъ
837: i pousti jego na onъ polъ morě polinešterou kralju koi kraljuvaaše po vsei pagaži i mnoga sъ nimъ zlata i srebra davno sę bi sěmę ouxranilo ot troǫ
838: i oumysli ourekšišъ
839: i crma povelě poustiti vъ grъky i donesti mědъ i stъklo i vosъkъ
840: i stvori zělo krasna fariža sěra
841: i izbra *t* vitezъ xrabryixъ
842: i armatosavъ posadi vъ nem
843: i vъstavъ voiska zašed sъkry sę
844: i korable potaišǫ sę vъ šimoševěx brězěxъ
845: i izydošǫ iz troǫ na okolišta grъčъskaa
846: i viděšǫ fariža lěpa i krasna velmi
847: i povědašǫ troiskymъ gždamъ
848: i rekošǫ
849: ašte bi sъi farižъ bylъ vъ troi po mnogo mou bi lěpoty pribylo
850: i rekošǫ troiskyǫ gždǫ
851: priveděte ego namъ da go vidimъ
852: i sъtvorišǫ protivǫ emou sěni
853: i povezoxǫ ego vъ troǫ
854: i doidošǫ do vratъ gradou
855: i ne može vъniti edino ouxo vъ vrata
856: i běše velikъ kamenъ nadъ vraty gradou
857: i xotěxǫ otbiti ouxo farižou
858: i ne dadoxǫ troiskyǫ gždǫ
859: nǫ rekošǫ sъtlъšti kamenъ iže běše nadъ vraty
860: i paky xoštemъ rče zazizdati po dobrě
861: a fariža ne děite obrǫbiti
862: i rastlъkošǫ vrata
863: i vъvezošǫ fariža vъ grad
864: da egy bys vъnętrъ togda voini razъbišǫ stъklo mečnymi glavami
865: i naprasno izkočivše
866: i isěkošǫ množъstva ljudii
867: i prěemše gradъ
868: i prispěšǫ morstii korable i jaže po souxou voisky
869: i isplъnivše gradъ
870: i načęšǫ sěšti troiskyǫ vitezy
871: a drugyę izmetašǫ vъ more
872: i izvedošǫ aleѯandra fariža i elenǫ crcǫ iz vysokogo pirgosa prědъ menelaouša crě
873: i rče emou elena crca
874: o gne crju ty bys vęšte krivъ
875: čemou mene ostavi sъ aleѯandromъ farižomъ da mene svoimъ nevěrъstvomъ prěvari
876: i otvěšta ei crъ
877: i rče
878: o gsne eleno da věsi jako ot seli da sъtvorę azъ da inъ nikto tebe ne prěvaritъ ni prělъstitъ
879: i povelě oběma sъ aleѯandromъ glavy usěknǫti
880: i tako skončašǫ sę
881: i izvedošǫ jakoupǫ gždǫ i vsę troiskyę gždǫ
882: i posěkošǫ polikšenǫ gždǫ na acileševě grobě jako toǫ radi pogynǫ
883: a jakoupǫ mtre eę dadošǫ na dělbě ourekšišou
884: i povede ę sъ pročimi gždami
885: i kъždo svoego povede
886: i načęxǫ plakati troiskyǫ gždǫ
887: i těšaše ix jakoupa kralica glšti
888: mlъčite čęda moa
889: ne plačite sę
890: azъ imamъ kto šte našę slъzy utoliti
891: i uvědě to polinešterъ kralъ kako sę skonča troa
892: i povelě zaklati polidvorouša prějamouševa sna
893: i rče metnǫti jego vъ more
894: i tou pristašǫ korable grъčъstii
895: i vъzę jakoupa vědro počrъsti vodǫ
896: i obrěte sna svoego mrъtva
897: i vъzpi glasomъ veliemъ plačę sę
898: i slyšavъ to polinešterъ kralъ i izyde na outěšenie jakoupě
899: i približi sę troiskymъ gždamъ na outěšenie
900: togda tyǫ vъstavše na nъ i noževy ego sъbodošǫ
901: i viděvše to graždane i pobišǫ ixъ kameniemъ
902: i vъzvrati sę crъ menelaoušъ sъ vsěmi grъky sъ velikoǫ čъstię stoavše pod troǫ *i* lět i *z* mscъ
903: i tako skonča sę troiskoe kralevъstvo prěžde roždъstva xsva na *tѯ* lětъ endiktiona *z* go
904: i tako bъ směrěetъ vъznosęštix sę
905: i sěmę ne čъstivyx potrěbitъ
906: jakože prrokъ provъzvěsti glę
907: viděx ne čъstivago prěvъznosęšta sę i vysęšta sę
908: i mimoidox
909: i ne obrěte sę město k tomu
909: jako bъ pravedenъ
910: i praudǫ vъzljubi
911: a pǫti ne čъstivyx potrěbi
912: i svoeę myšceę grъdymъ protivit sę
913: a pravo xodęštimъ daetъ blagodětъ
914: i ne lišitъ dobra xodęštix nezloboǫ
915: jako tomou podobaetъ vъsěka slava čъs i poklaněnie ocou i snou i stomu douxou nině i prisno i v věky věkom
916: amin