view .conllu


326 Adžar edition - Alexander
source

1: [...] běše gradъ velikъ vъ anъtolistěi zemli na měsъtě skamanъdrě
2: imaše *mź* vratъ
3: isxoždaše iz nego voe *o* stegovъ
4: i vъ stegu běše po *z* sъtъ voe
5: i tъ grad zověše se troatъ
6: i běše vъ nem crъ velikъ źělo
7: ime emu běše amorъ crъ
8: i vъ edinu noštъ vidě crъ vъ sně gde rodi crca ego glavnu ogněnu
9: i zapali grad trojatъ
10: i izgorě vъsъ
11: i vъ to vrěme imušti crca ego vъ črěvě děte
12: da egda rodi bist ženъski polъ
13: i uboja se crъ ot sъna
14: da egda bist *ź* mcъ otročetu i vъloži ego crъ vъ stlъpъ kamenъ
15: i sъ nim vъloži *g* ženi němi da služitъ emu
16: i zaprěti im crъ velъmi da ne približit se ništo kъ stlъpu da ne slišitъ otroče glsa nikoi nъ^ němo da vъzrastetъ
17: i bist dvca vъ stlъpě za *ei* lět
18: da egda bouděše vъsxod slncu ona bo staněše protivu slncu
19: i prozorom gljušte po edino rěči ot vъsěx ezikъ
20: crъ amorъ čjuždaše se i vъsi bolěre
21: poneže ne razuměxu čto gljetъ
22: i sъbra crъ po člku ot vъsěx ezikъ
23: i privede xi kъ stlъpu ideže běše otrokovica
24: i rče im
25: poslušaite
26: da kto čto čjuetъ ta bo zapisuite
27: ono bo zapisaxu kto čto bě čjulъ i razumělъ
28: da egda ona prěsta glati sъnesoše pisanie prěd cra
29: i sъstavišu rěčъ
30: i obrětoše gde mlit se bu za oca svoego
31: glje
32: gi ne postavi emu grěxa
33: poneže lъdъ jest
34: i ne věst čto tvoritъ
35: i bžie povělěnie ne vъzmožno est prětvoriti
36: a sie eže vidě sъnъ to xoštetъ sъtvoriti bratъ moi
37: jest nnja vъ črěve mtri moei crci
38: i xoštetъ roditi se
39: da egda rodi se otroče bist mužъski polъ
40: i pověle crъ
41: i otnesoše ego vъ goru pustu
42: i povrъgoše ego
43: i obrěte ego mečъka iže běše izъgubila štenъce svoe ot lovъcъ
44: i podemši mečъka otroče
45: i vъsъxrani ego za *g* lětъ donъdeže prišъd lovъci
46: i oubišu mečъku
47: a otroče emъše
48: i privedoše eg prěd cra
49: i poznavъ ego crъ rče
50: se jest snъ moi
51: i narče ime emu aleѯandrъ sirěč obrětenъ
52: a iže bist vъ stlъpě dvca i izvedošu ju
53: i narekoše ime ei magъdona sirěčъ prěmudra
54: dъšti ego bě lěpa i prěmudra źělo pače vъsěx veliko
55: i napisa muža na koni
56: i prixoždaxu ot inix crexъ
57: xotexu ju poeti sebě crcu
58: ona že glaše
59: ašte ne viždu muža na konъ jazdešta jakože azъ pisax to ne poimu sebě muža
60: i tako sěděše ne xotěše
61: i vъ edinъ dnъ sědešti ei na větrъnicě
62: i vidě muža vъzъ more jazdešta *v* prъprišta města
63: i rče kъ ocu svoemu cru
64: gi toi mně^ budetъ mužъ
65: nъ^ pusti
66: i prizovi ego
67: i posla crъ
68: i prizovaše ego
69: i vědě crъ sarakina
70: i počjudi se źělo
71: i rče emu
72: pověždъ mi brate ot kudu grediši ili čto išteši
73: sarakinenъ rče
74: azъ esmъ sulъtanъ crъ vъsei zemli sarakinskoi
75: i xrabrostiju moeju nikto ne imatъ
76: i ištu ženu da poimu sebě lěpu i mudru pače vъsěx veliko
77: poneže esmъ vъ sъně takovu vidělъ
78: da ašte gde znaeši pověždъ mi
79: togda magъdona izvedoše emu
80: i viděvъ sultanъ
81: i poznavъ ju
82: i rče
83: vъ istinu siju viděxъ vъ sъně
84: i magъdona vidě pisanie svoe
85: i poznavъ ego
86: i poem ju sulъtanъ crъ
87: i otvede vъ sarakiju veliku
88: aleѯandrъ že raste vъ domu oca svoego
89: i bist mužъ ratъnikъ i krěpkъ źělo i crъ vъsěm elinom
90: i běše lěpota ego velia źělo
91: i povelě vlъxvom svoim
92: i rče
93: ašte mi izъobrěštetъ ženu lěpu i mudru pače vъsěx veliko to azъ vam sъtvoru mnoga dobra
94: vlъxъvi sъ vlъšъbъstvom svoim obišъdšim vъsu zemlju
95: i obrětoše ženu vъ mourei siona cra crcu imajušti lěpotu velia źělo
96: ime ei běše giluda
97: i privedoše ju kъ aleѯanъdru
98: i povědaše emu
99: togda paki rče vlъxvom svoim
100: sъberěte me vъ sъně sъ neju da vidimъ drugъ druga
101: i sъbravъše ix vlъxъvi noštiju vъ sъně
102: i toliko ljublěxu se źělo za *v* lětъ eliko dnju želaxu večeru biti
103: da jako vъ sъně zgovorěsta se tako i vъ dni tvoraxu
104: aleѯandrъ sъtvori se jako edinъ ot kupъcъ
105: i priide vъ paliopolъ sъ korabъmi kъ sionu cru
106: i nosešte mnogo iměnia
107: i darova siona cra
108: i sionъ crъ darova togъ
109: i sъtvorista se bratia
110: a giluda crca sъ aleѯandrom vъsegda bě po običaju
111: da egda gostěsta se ona sěděše pri aleѯandra
112: sionu smějaše se jako aleѯanъdrova žena bě
113: da egda otxoždaše sionъ vъ dom svoi glaše crci svoei
114: o velie čjudo o sem
115: u sego kupъca sia žena veliku priliku imatъ kъ nemu jakъ togova jest žena
116: togda igiluda gnevaše se
117: i glaše emu
118: počto mene prilagaeši k tomu
119: ašte azъ tako esmъ to i ti priličenъ esi tomu kupъcu
120: onъ paki aleѯandra zověše na gosti
121: i ona tu bě
122: i tako tvorěsta za *ź* mcъ gogda ou togo kogъda ou togo
123: aleѯandrъ obrětaše se vъ inъnaja ruxa prěměnujušte se
124: i imaše bo aleѯandrъ vъ korabi svoem manъѳiju sъ zlatom i biserom i kameniem mnogocěnnim oukrašennaa
125: čjuvъši bo igiluda crca jako prodajuetъ aleѯandrъ vъ korabi svoem manѳiju
126: sionъ crъ vъně izъ grad izъšъlъ běše
127: i ne bě tou
128: giluda že vъstavъši sъ malo rabъmi
129: i priide vъ korablъ kъ aleѯandru viděti manѳiju
130: aleѯandrъ povělě vъzdvigъnuti větrila korabem
131: i otnesoše giludu crcu
132: i privedoše ju vъ veliki grad trojadъ
133: togda grad potrese źělo
134: amorъ crъ otcъ ego rče
135: vъ istinu sъbi se sъnъ moi iže viděxъ glavnu ogněnu
136: sionъ crъ osta vъ pečali i vъ poruganiem velikom źělo
137: i pusti kъ iogu cru bratu svoemu ou vasanъ grad
138: ioga crъ posla kъ svoim šurem vъ xanaonъ i vъ xalъdei i vъ mesopotamiju i vъ perъsix i vъ tarъsisъ
139: mesopotamsti že crie i xanaonъsti i persidsti i tarsidsti sъbraše se vъsěx cri *di*
140: i priidoše na aleѯanъdra cra i na veliki grad trojatъ
141: i obisědoše krěpko
142: i rъvaše ego za *zi* lětъ
143: i ne možaxu emu čto sъtvoriti ot množetva poljema
144: i běše edinъ mužъ imenem pamida pikerъni ioga crvъ
145: i sъtvori izarъ igrati
146: da egda naučiše se vъse voe izara igrati togda že tъi pamida sъtvori i tavliju jako da sebě soutъ a ne opoi
147: paki tъžde pamida iskova konja mědъna velika źělo
148: i vъlěze vъ konja mědnago sionъ crъ
149: i sъ nim vъlězoše *l* dobri i xrabri voe
150: a mědni konъ matanъski i xoždaše
151: i paki tъžde pamida podkovavъ kone naopako petalami
152: i naredi vъse voiske
153: i sъtvori voivod *t* dobrix
154: i vъ noštъ otide
155: i sъkri ix pamida zad gradom
156: a na outria pade dalečъ ot grad
157: a mědni konъ ostaviše na okolište
158: i povelě aleѯandrъ vъvesti mědъni konъ vъ grad
159: togda izide is konja mědъnago sionъ crъ i sъ nim *l* voe dobri i xrabri
160: i exou gradu vratъ donъdeže i mapida priide sъ množestvom voe
161: i priexu veliki grad trojadъ
162: i razorišu i rasikopašu ego
163: gljušte
164: istъštaite istъštaite do osnovanie zemli
165: aleѯandr že poem ženu svoju gilidu crcu
166: i vъ nošti iz grad izide
167: i poběgnuvъ kъ soultanu cru zetu svoemu vъ sakiju
168: da jako běše gněvъ bžii na siona cra
169: da egda vъzvrati se sъ svoimi voi vъ dom svoi ni edinъ že ot nix ne obrěte ženъ svoi
170: nъ tъkъmo pousti dove ix obrětaxu
171: oni bo běxu běžali sъ rabъmi svoimi
172: aleѯandrъ vъzъdviže soulъtana crě i vъsu sarakiju
173: i izbi vъse cre xanaonъskie i mesopotamistie i xalъdeiskie i tarъsiskie i perъsiskie
174: i na siona crě priide vъ morei grad
175: i porazi ego
176: takožde i na ioga crě brata ego priide
177: porazi ego
178: i razori veliki grad vasanъ
179: i těx prěexu sarakinjane
180: aleѯandrъ smiri se sъ rabi sionъskimi eže běxu běžali sъ gospždami svoimi iže běxu im ženi
181: aleѯanъdrъ stojaše vъ paliopolъ
182: a sionъ crъ stojaše vъ eleosě
183: a sultanъ stojaše sъ rabimi sionъskimi
184: bijaxu se rabi sъ gsnъmi svoimi
185: poneže im ženi domove ixъ napustile
186: i toliko běše vъ ti dni tešъki rati eliko tisuštъ mrъtvi givaxu za *i* mca na dnъ po tisuštъi
187: i poraziše vъse crie xananъsti *di*
188: togda jerslmъ razorišu i iněx gradovъ velikix *sil*
189: i voe pogubiše
190: i xori opustišu
191: sultanъ že osta i aleѯandrъ i sъ nim *r* ljud
192: poneže vъsi izbiše se
193: i vidě aleѯandrъ koliko se zla sъtvori za ednu ženu
194: i poem mъčъ svoi
195: i otsěče ženě svoei glavu igiludi crci sestri svoei
196: a sam skoči vъ mori
197: bu že našemu slava vъ věki
198: amin