ros Rostovski 1689 - Petka
source

1:	В то́йже дн҃ь.
2:	Житıе Прпд҃бныѧ Матẽрẽ Нãшеѧ Пãрãскẽвıĩ.
3:	Въ земли сербской, близъ града Каликрáтıѧ, бѣ ве́сь нарицáемаѧ Є́пıватъ,
4:	в͛ то́й Ве́си роди́ сѧ ст҃áѧ и̂ Прпд҃бнаѧ Параске́вїа, ѿ роди́телей бл҃го-чести́выхъ, ходѧ́щихъ во всѣ́хъ зáпѡвѣдехъ Бж҃ıихъ не ꙋкло́нно, мл͒тинѧми и̂ бл҃готворе́н͛ми всю свою̀ оꙋ̂кра-шáющих͛ жи́знь:
5:	҆и́ же и̂ сı́ю воспитáша чс҃тꙋю Голꙋбı́цꙋ Хв҃ꙋ в͛ подо́бнѣхъ нрáвѣхъ,
6:	и̂ зáконꙋ Бж҃ıю до́брѣ тꙋ наказáвше, в͛ Нб͒ныѧ прейдѡ́ша о̂би́тели, наслѣдницꙋ до́мꙋ ѡ̂стáвл͛ше Параске́вїю съ Брáтомъ Єѵѳи́мїемъ, ҆и́ же послѣ́жде Єп͒пъ Мади́тꙋ бысть,
7:	и̂ мнѡга и̂ пре-слáвна сотворѝ тáмѡ чꙋдесà в͛ животѣ̀ свое́мъ и̂ по- преставле́нїи.
8:	Прпдбнаѧ оꙋ̂бѡ по сме́рти рѡди́телей своих, тѣ́сный и̂ приско́рбный пꙋ́ть начáть проходи́ти,
9:	и̂ ст҃ых͛ оꙋ̂се́рдно возревновà жи́тїю, по́стом͛ и̂ бде́нїем͛ оꙋ̂мерщвлѧ́ѧ тѣ́ло своѐ, и̂
	порабощáѧ ҆ѐ дх҃ови.	Miklosich: poraboštati 'subigere'
10:	ѿ сю́дꙋ и̂ Бж͒тве́нным разже́гши сѧ желáнїем͛, не стерпѣ на мнѡ́зѣ в͛ многомѧтежном мı́рѣ жи́ти,
11:	но всѧ̀ ѡ̂стáвл͛ши бѣ́гꙋ ꙗт сѧ,
12:	и̂ пꙋсты́ню дости́гши, равно ҆áгг҃лное провождáше жи́тїе, Бго҃ви́дца Илїю и̂ Іѡáнна Кр͒ти́телѧ подражáѧ: бы́лїе то́чїю пꙋсты́нное в͛кꙋшáющи, и̂ сегѡ̀ ѕѣ́ло мáло:
13:	стꙋ́денїю же и̂ ѕно́ем͛ бѣ
	и̂стаевáѧ,	Miklosich: istajavati 'liquefieri, debilitare'
14:	и̂ къ е̂ди́номꙋ то́чїю в͛зирáше
	спс҃тѝ могꙋ́щемꙋ ѿ малодꙋ́шїѧ и̂ бꙋ́рѧ смиренныѧ срдцемъ.	Ps 55:8 NIV
15:	кто ҆ꙋ́бѡ тоѧ̀ ҆и́ же тогдà и̂сповѣ́ст͛ слезный и̂сто́чникъ?
16:	стенáнїа же чáстаѧ и̂ не престáемаѧ кто скáжетъ?
17:	ни́зꙋлѣгáнїѧ и̂ оꙋ̂мерщвле́нїѧ всегдáшнаѧ кто и̂зрече́тъ?
18:	не бѣ́ бѡ тáмѡ ҆и́ногѡ когѡ̀, всѧ та сматрѧ́ти могꙋ́щаго, ҆ꙗ́ же творѧ́ше Прпдбнаѧ: то́чїю все видѧ́щее ҆о́ко бж҃ıе.
19:	не бѣ̀ то́й тáмо попече́нїѧ о̂
	сꙋстѣ̀ мı́рстѣй, то́чїю о̂ дш҃е́вномъ о̂чище́нїи, и̂ ѡ̂ ѿвѣ́тѣ бꙋ́дꙋщагѡ сꙋ́да, о̂ стрѣте́нїи Женихо́вѣ: тебѐ жени́ше мой и̂щꙋ̀ гл҃ющи: и̂ то̀ ҆е́ же в͛ Пѣ́снех Пѣ́снїй, вы́нꙋ въ ҆ꙋ́мѣ носѧ́щи:	?
21:	Возвѣсти́те ми е̂гѡ́ же возлюбѝ дш҃à моѧ̀.	Song 1:6
22:	о̂ се́мъ болѣзновáше, кáкѡ оꙋ̂краси́т͛ свѣти́лник свой, и̂ с͛ мдрими дв҃ами и̂зыйдетъ въ стрѣте́нїе Женихꙋ̀, и̂ оꙋ̂слы́шит͛ слáдкїй гласъ е̂гѡ̀, и̂ наслади́т сѧ зрѣ́нїѧ красоты̀ е̂гѡ̀,	Mt 25:1-13
23:	о̂ сем то́чїю печáше сѧ гл҃ющи:
24:	Когдà прїйдꙋ̀ и̂ ꙗ̂влю́ сѧ лицꙋ̀ Бж҃ıю.	Ps 42:2 NIV
25:	тáкѡ ҆е́й живꙋ́щей в͛
	пꙋстынѣ, лꙋкáвый врагъ завидѧ́ше добродѣ́телем е̂ѧ̀,	a Russism: -ě as a ja-stem f.sg.dat/loc ending
26:	и̂ тщáше сѧ мечтáнїами и̂ привидѣ́нїами ꙋ̂страши́ти ю̂:
27:	множи́цею бѡ в͛ разли́чныа ѕвѣ́ры себѐ претвори́въ на ст҃ꙋ́ю оꙋ̂стре-млѧ́ше сѧ, да бы̀ ҆е́й спо́нꙋ ѿтече́нїа возмо́гл͛ сотвори́ти:
28:	но до́браа невѣ́ста Хв҃а Параске́вїѧ, Вы́шнѧгѡ положѝ прибѣ́жище себѣ̀,	Ps 91:9 NIV
29:	и̂ е̂гѡ̀ по́мощїю, Кр͒тà же ст҃áгѡ знáменїем͛, врагѝ прогонѧ́ше,
30:	и̂ всѧ̀ ко́зни е̂гѡ̀ ҆ꙗ́коже нѣ́кꙋю паꙋчи́нꙋ растерзà и̂ до концà низложѝ,
31:	в͛ же́нском бо ҆е́стс҃твѣ, мꙋ́жескїй стѧжáвши рáзꙋмъ, áкоже Дв҃и́дъ Голїáда, тáко о̂нà дїáвола побѣдѝ.	1 Sam 17:49-51
32:	си́цевыми по́дви-гами и̂ добродѣ́телным͛ жи́тїем͛ свою̀ ꙋ̂краси́вши дш҃ꙋ, бысть Хрс҃тꙋ̀ возлюбле́ннаѧ невѣ́ста, ҆ꙗ́ко и̂сполни́ти сѧ сло́вꙋ Проро́ческомꙋ:
33:	Вожделѣ́етъ Цр҃ь добротѣ̀ твое́й.	Ps 45:11 NIV
34:	и̂бѡ всели́ сѧ в͛ ню съ Ѿц҃е́м͛ и̂ ст҃ы́м͛ Дх҃ом͛,
35:	и̂ почивáше в͛ не́й ҆ꙗ́кѡже въ Црк҃вѣ ст҃ѣ́й свое́й,
36:	в҆о и́стиннꙋ бѡ ст҃áѧ Параске́вїѧ сотвори́ сѧ Цр҃ковъ Бг҃а живáгѡ, дш҃ꙋ и̂ тѣ́ло соблю́дши без͛ грѣхà и̂ без͛ скве́рны.
37:	Єгдà же пребы́ст͛ лѣ́та доволна в͛ пꙋсты́ни: въ е̂ди́нꙋ ѿ но́щїй, ста на мл҃и́твѣ по о̂бы́чаю свое́мꙋ,
38:	и̂ рꙋ́цѣ нá Нб҃о съ ꙋ̂миле́нїемъ
	воздѣ́вши, оꙋ̂зрѣ̀ Агг҃ла Бж҃ıа въ о̂бразѣ ю̂но́ши пресвѣ́тлагѡ, ҆и́ же прише́дъ к͛ ней речѐ:	Miklosich: vъzděti 'airein, tollere; ekteinein, expandere'
39:	пꙋсты́ню о̂стáви,
40:	и̂ въ ѿчество возврати́ сѧ,
41:	тáмо бо
	тебѣ̀ подобáет͛ тѣ́ло землѝ ѿдáти, дх҃ъ же в͛ не веще-стве́ннаѧ превестѝ селе́нїа.	only 2 instances of Pp2-s, but both showing expected forms
42:	Прпдбнаѧ ҆оꙋ́бѡ разсмо-трѣ́вши виде́нїа си́лꙋ, и̂ разꙋмѣ́вши ҆ꙗ́ко повелѣ́нїе то ѿ Бг҃а ҆е́стъ: рáдоваше сѧ ѡ̂ тѣле́сном͛
	распрѧже́нїи,	Miklosich: raspręženie 'diazeuxis, disiunctio'
43:	пе-чаловáше же ѡ̂ о̂ставле́нїи пꙋсты́ни,
44:	ничто́ же бо тáко дш҃ꙋ о̂чищáетъ: и̂ въ перв҆оо́бразное приво́дит͛, ҆ꙗ́кѡже пꙋсты́нѧ и̂ без͛мо́л͛вїе.
45:	о̂бáче и̂ не хотѧ́щи пꙋ́сты́ню о̂стáви,
46:	и̂ къ црствꙋ́ющомꙋ прише́дши Грáдꙋ, в͛ прекрáсны Храм͛ Прмдрости Бж҃ıа в͛нı́йде.
47:	тáкожде и̂ в͛ Бг҃оро́дичной ҆ꙗ́ же въ Влахе́рнахъ Црк҃ви быст,
48:	и̂ тáмѡ Бг҃ꙋ и̂ Пречс҃тѣй Бг҃омáтери поклони́вши сѧ, по́йде въ ѿчество своѐ Єпѵвáт͛. и̂дѣ́же нѣ́кое поживѐ вре́мѧ не и̂змѣнѧ́а пꙋ-сты́ннагѡ свое́гѡ трꙋ́да, поще́нїа же и̂ мл҃и́тов͛.
49:	тá же приспѣ́вшꙋ ҆е́ же къ Бꙋ҃ е̂ѧ̀ ѿше́ствїю, пом҃ли́ сѧ прилѣ́жно о̂ себѣ̀ же и̂ о̂ все́мъ мı́рѣ,
50:	и̂ тáкѡ бл҃же́ннꙋю свою̀ дш҃ꙋ в͛ Рꙋцѣ предадѐ Бж҃ıи.
51:	тѣ́ло же е̂ѧ по о̂бы́чаю хр͒тїáн-скомꙋ в͛
	землѣ̀ на мѣ́стѣ не нарочи́томъ погребе́ннѡ быст вѣ́рными.	a Russism: -ě as a ja-stem f.sg.dat/loc ending
52:	хотѧ́ же Бь҃ прослáвити оꙋ̂го́дницꙋ свою̀, ꙗ̂вѝ по мнѡ́зѣхъ͛ лѣ́тех ст҃ы́а ҆е́ѧ мо́щи си́цевым ҆о́бразом:
53:	сто́лпник нѣ́кїй, близь тогѡ̀ мѣ́ста, и̂дѣ́же Прпднаѧ погребе́нна быст: на столпѣ̀ без͛мол͛ствовáше.
54:	слꙋчи́ сѧ же корабле́никꙋ нѣ́коемꙋ пловꙋ́щꙋ, и̂ не́дꙋгомъ лю́тымъ болѣ́вшꙋ и̂ скончáвшꙋ сѧ, тꙋ нѣ́гдѣ поверже́ннꙋ бы́ти.
55:	начáт͛ же ѿ трꙋ́па е̂гѡ̀ смрадъ и̂сходи́ти безмѣ́ренъ, ҆ꙗ́кѡ не мощѝ нико́мꙋ же и̂тѝ пꙋте́м͛ тѣм.
56:	не можáше же и̂ сто́лпник стерпѣ́ти смрáда
	҆о́нагѡ,	Vuković: onogo
57:	и̂ нꙋ́жда бѣ е̂мꙋ̀ рáди того̀ смрáда ѿ столпà снїйтѝ.
58:	повелѣ́ же нѣ́кїим͛ чл҃вѣ́комъ ровъ и̂скопáти глꙋбо́къ, и̂ смердѧщїй ҆о́ный тáмѡ воврещѝ трꙋ́пъ.
59:	и̂ е̂гдà копáша чл҃вѣ́ци ро́въ, по смотре́нїю Бж҃їю, ѡ̂брѣтѡ́ша тѣ́ло не тлѣ́ннѡ в͛ землѝ лежáщее,
60:	и̂ оꙋ̂дивлѧ́хꙋ сѧ не тлѣ́нїю тѣ́ла того̀.
61:	о̂бáче не и̂скꙋ́сни и̂ не вѣ́жи сꙋ́ще, слꙋчи́вшее сѧ ҆ꙗ́коже нѣ́кꙋю малꙋ́ю и̂
	ничесо́ же сꙋ́щꙋю ве́щ͛ презрѣ́ша,	< ničesom ?
62:	гл҃ахꙋ бо к͛ себѣ̀:
63:	҆áще бы ст҃о было̀ сїе тѣ́ло, ѿкри́лъ бы ҆оꙋ́бѡ Бг҃ъ чꙋдесѝ ꙗ̂ковы́ми;
64:	и̂ пáки засы́паша ҆ѐ земле́ю,
65:	тáможде и̂ смер-дѧ́щагѡ ври́нꙋвше трꙋ́па, ѿи̂дѡ́ша в͛ до́мы своѧ̀.
66:	прише́дшей же но́щи, Геѡ́ргїй нѣ́ктѡ ѿ ни́хъ. мꙋ́жъ Хр͒толюби́въ в͛ домꙋ̀ свое́мъ мл҃ѧ́ше сѧ Бг҃ꙋ.
67:	и̂ къ ҆оꙋ́трꙋ оꙋ̂снꙋ́въ, ви́дѣ видѣ́нїе:
68:	мнѧ́ше сѧ Цари́цꙋ нѣ́кꙋю на пресвѣ́тломъ сѣдѧ́щꙋю Престо́лѣ зрѣ́ти, и̂ мнѡ́жествѡ мно́гѡ свѣ́тлыхъ вѡ́инъ ҆о́крестъ тоѧ̀ стоѧ́щихъ:
69:	҆и́хъ же Хр͒толюби́вый ҆о́нъ чл҃вѣ́къ ви́дѣвъ, стрáхомъ ѡ̂бѧ́т͛ бы́ст͛,
70:	и̂ нá землю себѐ повержѐ, не могїй свѣ́тло-сти и̂ красоты̀
	҆о́ноѧ зрѣ́ти.	Vuković: oněxь
71:	е̂ди́нъ же ѿ свѣ́тлыхъ тѣ́хъ вѡ́иновъ, ҆е́мъ е̂гѡ̀ за рꙋ́кꙋ, воздвижѐ гл҃ѧ:
72:	Геѡ́ргїе, воскꙋ́ю тáкѡ презрѣ́сте тѣ́лѡ Прпдбныѧ Параске́вїи, и̂ погребѡ́сте с͛ ни́мъ трꙋ́пъ смердѧ́щїй?
73:	во ско́рѣ ҆оꙋ́бо то и̂зе́мше, на честномъ положѣ́те мѣ́стѣ,
74:	҆и́бѡ восхотѣ̀ Бг҃ъ прослáвити Рабꙋ̀ свою̀ на землѝ.
75:	тáкожде и̂ Свѣ́тлаѧ та Цр҃и́ца гл҃а е̂мꙋ̀:
76:	во ско́рѣ и̂земши Мѡ́щи моѧ̀, в͛ нарочи́тѡмъ положѣ́те мѣ́стѣ,
77:	не могꙋ̀ бо на мнѡ́зѣ ѕлосмрáдїѧ
	҆о́наго тѣлесѐ терпѣ́ти:	Vuković: onogo
78:	҆и́бѡ и̂ ҆áзъ чл҃вѣ́къ ҆е́смъ,
79:	и̂ ѿчествѡ моѐ ҆е́ст͛ Єпиватъ, и̂дѣ́же вы нн҃ѣ жителствꙋ́ете.
80:	тоѧ́жде нощи и̂ женà нѣ́каѧ че́стна ҆и́менем͛ Єѵфи́мїа, то́жде видѣ́нїе видѣ̀,
81:	и̂ о̂бо́и на ҆оꙋ́трїе всѣ́мъ люде́мъ ви́дѣннаѧ сказáша.
82:	слышавше же сı́ѧ бл҃говѣ́рнїи лю́дїе, потекѡ́ша съ свѣ́щáми къ Прпдбныѧ Параске́вїи Мѡ́щемъ,
83:	и̂ ты́ѧ съ мнѡ́гим оꙋ̂сердїем͛ и̂зе́мше, ҆ꙗ́коже нѣ́коемꙋ сокро́вищꙋ многѡцѣ́нномꙋ рáдовахꙋ сѧ,
84:	и̂ полѡжиша въ Це́рквѣ ст҃ых͛ и̂ всехвáлных Апс҃лъ Петрà и̂ Пáвла, в͛ ве́си Єпивáтѣ, и̂дѣ́же мл҃твами Прпдбныѧ Параске́вїи, мнѡ́гаѧ и̂сцѣленїѧ ѿ ст҃ыхъ Мѡ́щей е̂ѧ̀ бѡлѧ́щимъ подавáхꙋ сѧ,
85:	всѣ̀ бѡ ҆и́ же ҆о́крестъ недꙋ́жнїи и̂ бѣснꙋ́ющїи сѧ, съ вѣ́рою прихѡдѧ́ще, здрáвїе пѡлꙋчáхꙋ.	does not agree with i+že; Vuković: vъsi
86:	Вре́мени же не мáлꙋ мимоше́дшꙋ, бл҃гочести́вый въ Царе́хъ Іѡáннъ Асáнъ Крáль бо́лгарскїй и̂ се́рбскїй, прїѧть вѣ́сть гдѣ̀ лежáтъ чꙋдотво́рныѧ ст҃ыѧ Мѡ́щи сеѧ̀ Прпдбныѧ Параске́вїи.
87:	и̂ послáвъ бл҃же́ннагѡ Марка Митропо́лита сꙋ́ща вели́кагѡ Переѧ́славлѧ болгарскагѡ съ мнѡ́гими Єп͒пы и̂ Іере́и; чрез͛ тѣ́хъ пренесѐ че́стныѧ тыѧ Мѡ́щи въ преслáвный землѝ бо́лгарскїѧ Град сво́й царствꙋ́ющїй Тернѡ́въ,
88:	и̂ положѝ съ че́стїю в͛ Це́рквѣ свое́й Цáрской: и̂дѣ́же лежáщи не тлѣ́ннѡ, и̂стачáхꙋ разли́чныѧ цѣ́лбы съ вѣ́рою притѣкáющим.
89:	по вре́мени же мнѡ́зѣм, е̂гдà попꙋще́нїемъ Бж҃ıимъ о̂долѣ́ша âгарѧ́не Гре́ческомꙋ Цáрствꙋ, с͛ ни́мъ же поработи́ша и̂ Цáрствѡ бѡлгáрское кꙋ́пнѡ съ се́рбскимъ,
90:	най пáче же во днѝ Сели́ма, тогѡ̀ ҆и́мени вто́рого Царѧ̀ тꙋ́рскогѡ;
91:	тогдà Цáръ то́й Сели́мъ, ѿ грáда Тернѡ́ва рáтїю восхити́въ, съ ҆и́ним͛ бл҃голѣ́пїем͛ Церкѡ́вним͛ и̂ Цáрским оꙋ̂краше́нїем͛, и̂ сı́ѧ че́стныѧ Мѡ́щи Прпдбныѧ Параске́вїи, в͛ Цари́град ѿнесѐ,
92:	и̂ въ свое́й полáтѣ постáви. и̂де́же не сокры сѧ многѡцѣ́нный то́й Би́серъ,
93:	҆и́бѡ чꙋдесы̀ мнѡ́гими не то́кмѡ Хр͒тїáнъ, нѡ и̂ âгарѧ́нъ в͛ поклоне́нїе приведѐ.
94:	си́мъ ҆оꙋ́бѡ âгарѧ́не смꙋти́ша сѧ,
95:	и̂ боѧ́ще сѧ да некакѡ мнѡжáйшее оꙋ̂вѣре́нїе распространи́т͛ сѧ, пáче же за- оꙋ̂се́рдїемъ и̂ попече́нїемъ хр͒тїáнскимъ: ѿдáша тыѧ ст҃ыѧ Мѡ́щи хр͒тїáнѡмъ Царигрáдским.
96:	о̂ны̀ же че́стнѡ въ Патрїáршей Црк҃вѣ положи́ша.
97:	Пото́мъ же не ско́рѡ бл҃гочести́вый ІѠ Васи́лїй воевѡ́да Господáръ землѝ Молдáвскїѧ, вѣ́сть прїе́мъ о̂ ст҃ых͛ Прпдбныѧ Мѡ́щех͛ тáмѡ сꙋ́щихъ: желáше оꙋ̂се́рдно, да ѿ тꙋ́дꙋ в͛ е̂го̀ право-слáвное Госпѡдáрствїе че́стнѡ прене́сени бꙋ́дꙋтъ.
98:	Гд͒ь же хвали́мый въ ст҃ыхъ свои́хъ, хотѧ̀ и̂ здѐ прослáвити Прпдбнꙋю свою̀: желáнїю е̂гѡ̀ споспѣшествовà,
99:	и̂ в͛ срдце ст҃ѣ́йшагѡ Патрїáрха Константинополскагѡ Кѵ́ръ Парѳе́нїѧ, сїе в͛ложѝ,
100:	҆ꙗ́ко по совѣ́тꙋ всегѡ̀ свое́го о̂сщ҃еннагѡ собѡ́ра, и̂ ҆и́ныхъ Ст҃ѣйшихъ Патрїáрхѡв по и̂зволе́нїю, че́стныѧ сı́ѧ Мѡ́щи Прпдбныѧ Мáтере Параске́вїи, бл҃гочс҃ти́вомꙋ томꙋ̀ Гп͒дарꙋ̀ ІѠ Васи́лїю Воево́дѣ, на оꙋ̂се́рдное желáнїе е̂гѡ̀, съ всѧ́ким Ѿческим͛ своим блг͒венїем͛, тремѝ преѡ̂сщ҃енными Митрополи́ты, Іѡани́кїемъ Ираклїйским, Парѳе́нїемъ Адрїанопо́лским, и̂ Ѳеѡфáномъ Палеѡнпáтрѡнъ, препослáлъ ҆е́стъ въ Молдáвскꙋю зе́млю, в͛ Престо́лный Грáдъ нарицáемый Ꙗ́сѣ:
101:	и̂дѣ́же въ Хрáмѣ трı́ехъ Сти҃телей, съ всѧ́кѡю че́стїю в͛ премнѡ́зѣм весе́лїи и̂ рáдости всеѧ̀ Молдáвскїѧ землѣ̀, поло́жени сꙋ́ть, в͛ Лѣ́тѡ вочеловѣче́нїа Гд͒нѧ ·҂ахма·. Мц͒а Окто́врїѧ ·дı· днѧ̀.